|
 O Obradoiro presentou esta mañá nas intalaciones de Espiña e Delfín ao xogador Oriol Junyent. O pívot de Sabadell volta ao equipo galego co que asinou un contrato temporal a pasada tempada. Oriol mostrouse “orgulloso e ilusionado e con ganas de participar” neste novo proxecto. “Que che queiran é importante para un xogador. E, ademais, o proxecto do club, de querer estar arriba e pelear polo ascenso, é moi bonito", explicou. Nese sentido, ao xogador catalán non lle asusta a presión que poida ter o Obradoiro debido ás expectativas que se marca.
Oriol Junyent conta con 34 anos (1 de xullo de 1976) e mide 2,08 metros de altura e esta será a súa terceira experiencia en LEB tras pasar por Cidade de Huelva onde disputou 21 partidos antes de cambiar de aires polos problemas económicos do equipo onubense na tempada 2007-08 cuns números de 15 puntos (51% en tiros de dous puntos, 42% en triplos e 65% en tiros libres), 9,7 rebotes, 2,3 asistencias. Co CAI promediou 8,2 puntos, 5,8 rebotes e 1 asistencia. En ACB militó na Granada, Fuenlabrada, Alacante, Estudantes, Barcelona, Valladolid e Xacobeo Blu:sens. |
As categorías inferiores do club volverán ao traballo esta semana a partir do próximo martes día 7 de Setembro no pavillón municipal de Pontepedriña.
Despois dun breve partidillo improvisado na terraza das oficinas de BAP Conde na Coruña, Andrés Rodriguez e Richard Nguema foron presentados esta mañá como novos xogadores do OBRADOIRO CAB. Rodriguez e Nguema compareceron en rolda de prensa xunto ao presidente executivo de Bap&Conde, Miguel Conde, e o director xerente do Club, Alfonso Pazo.
O Obradoiro CAB presentou este martes ao capitán do conxunto blanquiazul Javier “Tuky” Bulfoni. As instalacións de Blusens Global Corporation acolleron este acto, que foi conducido polo director executivo de Blu: sens José Ramón García e polo director xerente do club Alfonso Pazo.
Eric Sánchez unha vez superado o pertinente recoñecemento médico incorporouse aos adestramentos do club santiagués tras o acordo acadado entre ambas as dúas partes. Sánchez é a décima incorporación Obradoiro a falta da chegada do canadense Levon Kendal que se encontra disputando o Mundial de clubs coa súa selección en Turquía. 
