ABÓNATE!

Mercar Abono

Queremos que te sumes á familia obradoirista e vivas en primeira persoa o gran ambiente que se respira na nosa Caldeira nesta Segunda Volta da Liga Endesa.

Só tes que inxectarche o ADN Obra cos seus valores para sentirte como na casa e empuxar ao equipo en cada encontro. Porque isto non é só baloncesto, é algo máis que iso: Alento, Dedicación, Nobreza, Orgullo, Bravura, Respecto e Alegría. Son só algunhas das palabras coas que o noso equipo promulga e coas que a nosa afección sente identificada.

Queres unirte? Imos mostrarche como é o pavillón. Como podes comprobar na seguinte imaxe, o pavillón está sectorizado. Busca o sector e o bloque desde o que che gustaría ver os partidos:

Xa tes decidida a túa localización? Imos botarche unha man mostrándoche os prezos en tarifa Xeral, Infantil, Xuvenil, Maiores de 65 ou Reducido, por cada zona:

 

 

Como podes comprobar, temos un abono a Prezo Reducido* para os seguintes grupos:

- Parados máis de 6 meses (presentar vida laboral actualizada)
- Estudantes menores de 25 anos (carné de estudante, matrícula ou certificado de estudos)
- Federados de baloncesto (licenza federativa)

*Os abonos en Prezo Reducido non disfrutarán do desconto por renovación ou antigo abonado.

 

Aínda que sexas novo na familia  obradoirista, hai descontos dos que che podes

beneficiar. Atento!

Lembra que, se fuches abonado na tempada 2018/19, obterás un 10% de desconto. En caso de selo nas tempadas anteriores á 2018/19 (e desde a 2011/12) e regresas, obterás un 5% de desconto.

 

Unha vez teñas o prezo resultante aplicados estes descontos, bota un ollo por se podes beneficiarche dalgún dos seguintes  acumulables entre si.

 

VES AO OBRA EN FAMILIA?

As familias comezan a contar a partires de dous membros. O primeiro pagará o total do abono e o segundo membro disfrutará dun 10% de desconto. Cantos máis membros teña a familia, maior desconto se irá aplicando: O terceiro membro recibirá un 30%, o cuarto un 50%, o quinto un 70%, o sexto un 90%, e a partir do sétimo, o abono sairá gratis. Estes descontos aplicaránse segundo a idade (tarifa Infantil, Xuvenil ou Xeral) e o sector do pavillón no que se ubique.

Cada membro da familia poderá escoller a zona que máis lle guste. Este desconto aplicarase entre irmáns, matrimonios, e pais/nais e fill@s. Os irmáns/fill@s deben ser menores de 25 anos.

 

AÍNDA NON COÑECES A FUNDACIÓN HERACLES?

A Fundación Heracles ten como obxectivo a promoción e realización, sen ánimo de lucro, de actividades socio-deportivas para fomentar a práctica deportiva principalmente en Galicia e axudar ao deporte galego de competición.

Se fas unha doazón á Fundación Heracles, por cada 150€ de doazón obterás 100€ de desconto directo no teu abono e 50€ en entradas para a nova tempada.

 

E SABES QUE…?

Podes financiar o teu abono en 3 meses SEN INTERESES? Sempre suxeito á aprobación pola entidade financeira!!

Tamén podes domiciliar o pago do teu abono en 3 meses e renovarémosche automaticamente o abono nas seguintes.

 

ADEMAIS...

Todos os abonados recibirán de regalo a nova bufanda obradoirista, da man de Cabreiroá e Estrella Galicia, e ademáis, cada abonados disporá de dúas entradas de regalo para un encontro a escoller (excepto os equipos que disputen Euroliga).

 

Mercar Abono

ARRIBA