ABONOS 2018/19

O Monbus Obradoiro pon en marcha a Campaña de Abonos para a tempada 2018/19, 'Hai momentos que son inesquecibles' #euvinesteobra, coa que busca animar a todos os afeccionados a sumarse á familia obradoirista e alentar ao equipo durante toda a tempada, vivindo momentos que serán inesquecibles.

Todos os abonados para a tempada 2018/19 poderán mercar de forma preferente e a un prezo especial os abonos para a Supercopa Endesa, que este ano terá lugar na nosa cidade. 

 

MERCAR / RENOVAR ABONOS >

 

PREZOS

O prezo Reducido aplícase a:

-Maiores de 64 anos

-Estudantes menores de 25 anos (presentando o carné de estudante)

-Parados de máis de 6 meses (presentando a vida laboral actual)

-Federados do ámbito do Baloncesto (presentando a licenza ou unha copia)

Os usuarios de cadeiras de rodas contarán co prezo único de 150 euros, (o mesmo para o seu acompañante), para acceder á zona especial coutada para eles.

 

Como novidade esta tempada, os abonos familiares poderán estar formados a partir de dous integrantes (matrimonio, pai/ fill@, nai/ fill@ e/ou dous irmáns). Os fillos e/ou irmáns deben ser menores de 25 anos.

Os descontos adicionais para estos abonados familiares dependerán do número de membros que o conformen e aplicarase sobre o prezo obtido unha vez aplicado o desconto por renovación e rapidez. Así, o segundo membro gozará dun 10% de desconto, o terceiro dun 40%, o cuarto dun 50%, o quinto dun 75%, o sexto dun 90% e a partir do sétimo o abono sairía gratis. Estes descontos aplicaranse segundo a idade (tarifa Infantil, Xuvenil ou Xeral) e o sector do pavillón no que se sitúe (Fondos, Tribuna 2, Tribuna 1 ou Tribuna Retráctil). Outra novidade esta tempada é que os membros destes abonos familiares poderán escoller o seu asento en distintas zonas do pavillón.

 

DESCONTOS

-Desconto por renovación: Os abonados que renoven o seu abono da tempada 2017/18 obterán un 15% de desconto.

-Desconto antigos abonados: Os afeccionados que fosen abonados en anteriores tempadas á 2017/18 poderán beneficiarse dun 5% de desconto 

(non acumulable ao desconto por renovación). 

-Desconto por renovación rápida: Os afeccionados gozarán dun 5% de desconto extra se renovan o seu abono antes do 29 de xuño.

-Desconto por fidelidade: Aqueles afeccionados que leven sendo abonados cinco tempadas poderanse beneficiar dun 5% extra. Este desconto aplicarase sobre o prezo obtido unha vez aplicado o desconto por renovación e rapidez. 

-Amigo da Fundación Heracles

Continúa vixente a posibilidade de ligar o teu abono á figura do Amigo da Fundación Heracles: por cada 100€ de doazón terá 50€ de desconto directo no seu abono e 50€ para gastar en entradas nesta tempada 2018/19.

-Trae a un amigo

Traer un novo afeccionado a gozar do ambiente da Caldeira mantén dobre vantaxe para ambos.

O recomendado gozará dun 5% de desconto (non acumulable ao desconto de abonado en tempadas anteriores).

En canto ao recomendador, se aínda non renovou esta campaña, obterá un 5% no seu abono desta tempada e un 5% ao renovar na seguinte. En caso de renovar xa, beneficiarase dun 10% de desconto ao renovar a próxima tempada. Se o teu “amigo” continúa renovando as próximas tempadas, seguirás gozando dun 5% adicional cada tempada que o faga. O desconto para o actual abonado realizarase por cada amigo que traia, podendo mesmo chegar a saírlle gratis o abono.

Este desconto aplicarase sobre o prezo obtido unha vez aplicado o desconto por renovación e rapidez. 

A data límite para renovar o abono e conservar o mesmo asento que a tempada pasada será o 3 de setembro. A partir dese momento, os asentos dos afeccionados que non renovasen quedarán dispoñibles para novos afeccionados ou para os abonados que estean a buscar cambiar a súa localización.

 

FINANCIAMENTO E DOMICILIACIÓN

Mantense a posibilidade de financiamento ao 0% de interese en prazos de 3 a 12 meses, dependendo do importe (suxeito a aprobación por parte da entidade financieira). Continúa tamén a opción de domiciliación, cargando o importe do abono na conta do abonado o día 5 do mes seguinte de realizar o trámite.

 

VANTAXES

-Un 10% de desconto nos produtos oficiais do club dispoñibles na tenda Tiro Libre SCQ

-Inscrición preferente para a tempada 2019/20

-Ofertas do Club de Empresas Obradoiro

-Comodidade (reserva de asento, evitar colas...) e aforro

 

MÉTODOS DE RENOVACIÓN E CREACIÓN DE ABONOS

Todos aqueles interesados en facerse abonados poderán tramitalo desde xa mesmo nas oficinas do club de 10:00 a 14:00 e de 16:00 a 20:00 horas ou a través da páxina web (www.obradoirocab.com) as 24 horas do día.

MERCAR / RENOVAR ABONOS >

ARRIBA