O Rio Natura Monbus Obradoiro enfróntase este fin de semana ao Dominion Bilbao Basket (domingo, 18.00 horas), Partido do Federado no que se homenaxeará á Selección Galega Feminina de categoría cadete, quinta clasificada no Campionato de España. A homenaxe en pista ás compoñentes do combinado cadete e ao seu adestrador José Jesús Vázquez, farase extensiva tamén por parte da Federación Galega de Baloncesto ao Hospital Policlínico La Rosaleda, servizo médico oficial obradoirista e principal patrocinador nos Campionatos de España disputados recentemente polos conxuntos autonómicos, e no que as cadete foron o mellor equipo galego. Ademais, ao tratarse do partido do Federado, este colectivo terá un prezo especial nas entradas, así como os seus familiares directos: 9 euros en Tribunas 2 e Fondos ou a 15 euros en Tribunas 1.

O Rio Natura Monbus Obradoiro enfrontarase o próximo domingo 3 de maio (12.40 horas) ao campión da Copa do Rei, o Real Madrid, partido no que os obradoiristas queren repetir o cheo do pasado ano.

Co Miudiño cantado por máis de 6.000 persoas vivido no encontro da pasada campaña aínda en mente, o club activa a promoción Quincena Especial, pola que todos os afeccionados poderán comprar entradas a un prezo reducido ata o próximo martes 15 de abril. Se quen realiza a compra das entradas para familiares ou amigos é abonado do club (o abonado entrará co seu carné como nos demais encontros), o prezo será de 29 euros en Fondos, 35 euros en Tribunas 2, 45 euros en Tribunas 1 e 59 euros en Tribunas Retráctiles. No caso contrario, o prezo especial é de 35 euros en Fondos, 39 euros en Tribunas 2, 49 euros en Tribunas 1 ou 65 euros en Tribunas Retráctiles.

O Rio Natura Monbus Obradoiro caeu en San Pablo e viu cortada a súa racha triunfal de tres vitorias consecutivas. Os andaluces foron mellores dende o inicio, cun parcial de 11-0 de saída que non puido levantar o combinado galego.

O neozelandés Kirk Penney castigou durante toda a tarde o Rio Natura Monbus, dende o arco de tres puntos, con catro acertos, e tamén cargando o rebote. O escolta converteuse nunha peza fundamental para Luis Casimiro. Ademais, Willy Hernangómez recuperou a súa mellor versión, con 15 puntos, 11 rebotes e 22 de valoración.

Nos minutos previos a que dese comezo o encontro, gardouse un respectuoso minuto de silencio en memoria de Lalo García, histórico ex xogador do Club Baloncesto Valladolid. O pavillón presentou unha grande entrada, cun ambiente festivo e enfervorizado, coa afección consciente de que cada partido disputado en San Pablo é transcendental no fragor da intensa batalla por evitar perder a categoría na que se encontra inmerso o club andaluz.

Moncho Fernández: "Nós sin enerxía perdemos de vinte"

O Rio Natura Monbus Obradoiro viaxa a Sevilla para enfrontarse ao local Baloncesto Sevilla (domingo, 18.00 horas - non televisado) de Luis Casimiro. Os obradoiristas terán que estar "preparados mentalmente", como afirma Moncho Fernández, "para encontrarnos un equipo de calidade e moi necesitado da vitoria, como fan ver, nun ambiente cálido".

ARRIBA