As dúas novas incorporacións do Monbus Obradoiro, Ondrej Balvin e Rati Andronikashvili, xa se atopan en Santiago de Compostela e na mañá do luns pasaron o recoñecemento médico no Hospital HM La Rosaleda de Santiago de Compostela.
Os xogadores chegaron á capital galega na tarde do domingo. Balvin, incluso, tivo a oportunidade de presenciar o encontro disputado fronte ao Alega Cantabria, desde a zona de pista, acompañado polos seus novos compañeiros de equipo.
Tanto Ondrej coma Rati atópanse en perfectas condicións físicas e, desde esta tarde de luns, estarán á disposición de Gonzalo Rodríguez para comezar cos adestramentos do equipo e entrar na dinámica de cara ao próximo partido, que nos enfrontará ao Súper Agropal Palencia en terras castelás-leonesas o xoves ás 20:30 horas.
