O Monbus Obradoiro e Tres Tinkle chegaron a un acordo para a vindeira tempada. Este ala-pivote estadounidense de 2,03 metros e 27 anos procede do Le Mans Sarthe Basket da Pro A francesa onde a pasada campaña promedió 11.3 puntos, 5.1 rebotes e 1.5 asistencias en 24.3 minutos (25 partidos disputados).

Previamente, o norteamericano pasou polo equipo italiano Vanoli Cremona da Lega Basket Serie A e tamén os Raptors 905 da G-League, onde recalaría tras as súas cinco tempadas na NCAA con Oregon State Beavers da Universidade Estatal de Oregón.

“Tres é un xogador que nos achegará polivalencia pola súa capacidade para desenvolverse en diferentes posicións da pista. O seu rango de tiro e enerxía, unida á súa experiencia no baloncesto europeo, serán un valor importante para o noso equipo”, afirma o director deportivo do club, Eduardo Pascual.

O Monbus Obradoiro ficha a Tres Tinkle

Últimas novas

#SomosOBRA