Thomas Scrubb vestirá a camisola do Monbus Obradoiro até xuño de 2025. O ala canadense, con pasaporte británico, chegou ao club a mediados de xullo de 2021 procedente do JL Bourg francés.

Na tempada pasada, Thomas converteuse nun xogador determinante para que o Monbus Obradoiro lograse a súa segunda mellor clasificación da historia na liga Endesa. O internacional canadense mediou 11,6 puntos, 5,5 rebotes, 1,7 asistencias para 14,4 créditos de valoración, sendo así o xogador con máis minutos en pista dos de Moncho Fernández.

“Estamos contentos por lograr a continuidade dun xogador importante. Thomas suma en numerosos aspectos do xogo. Posúe moita consistencia, e ese plus de enerxía que é capaz de dar. Sen dúbida é unha boa nova, para afianzar a fortaleza do equipo”, valorou o director deportivo, Eduardo Pascual.

O Monbus Obradoiro renova a Thomas Scrubb

Últimas novas

#SomosOBRA