O Monbus Obradoiro e Jordan Howard chegaron a un acordo para a súa contratación para a tempada 2023/24. Este escolta estadounidense con ascendencia portorriqueña de 1,80 metros e 27 anos procede do Napoli Basket, co que promediou na pasada Lega 13.4 puntos (45.2% en tiros de dous, 40.1% en triplos e 87.1% en libres), 1.6 rebotes e 2.5 asistencias en 25.7 minutos.

Internacional Absoluto por Porto Rico, tamén pasou anteriormente polos Raptors (2018/2019) tras concluír a súa etapa universitaria nos Bears da Universidade de Arkansas Central, sendo elixido na súa última tempada (2017/18), Xogador do Ano da súa Conferencia.

“Coa incorporación de Howard engadimos a un bo tirador de longa distancia que tamén achegará na xeración de xogo para os seus compañeiros. Aínda a ser un debutante na liga Endesa conta con experiencia sobrada no baloncesto europeo”, afirma o director deportivo do club, Eduardo Pascual.

O Monbus Obradoiro ficha a Jordan Howard

Últimas novas

#SomosOBRA