O Monbus Obradoiro chegou a un acordo con Oleksandr Kovliar para reforzar ao equipo. Base, de 21 años, 1,91 metros, internacional por Ucrania, comparte selección con Artem Pustovyi onde, a pesar da súa idade, ten unha media de 10,4 puntos e 4 asistencias, e no clasificatorio olímpico disputou unha media de 34,4 minutos en catro encontros.

Chega a Santiago de Compostela despois de destacar no Kalev/Cramo estonio, co que disputaba a liga estonia-letona e a FIBA Europe Cup. Anteriormente colleitara experiencia no Tartu Ülikool, tamén de Estonia, e no Khimik Yuzhny do seu país de orixe.

En competición europea, precisamente, mediuse, co seu equipo, ao Casademont Zaragoza, que milita na Liga Endesa. Na derrota ante o cadro aragonés, Kovliar xogou 32 minutos, anotou 16 puntos, repartiu seis asistencias e colleu seis rebotes.

O director deportivo do Monbus Obradoiro, Eduardo Pascual, defínelle como “un xogador novo e en continua progresión. Posúe unha notable personalidade, bo físico y boas pernas. Ten capacidade para anotar, xa que no un para un ten moita rapidez”. Ademais, explicou que “se incorpora ao equipo para completar a posición de base”, y sinalou a súa confianza en que “se poida adaptar ben á Liga Endesa”.

O Monbus Obradoiro incorpora a Oleksandr Kovliar

Últimas novas

#SomosOBRA