O Monbus Obradoiro e Roko Badzim dan por concluída a súa relación á vinculación do xogador coa entidade despois de case tres meses de traballo conxunto.

O aleiro croata aterrou en Santiago de Compostela o 6 de outubro para suplir a baixa por lesión de Rigoberto Mendoza, e no tempo no que estivo nas filas da entidade foi moito máis que unha fichaxe temporal. Converteuse nun más da familia obradoirista.

Coa camiseta do Monbus Obradoiro, Roko Badzim xogou once partidos, nos que acadou unha media de 18 minutos por encontro ás ordes de Moncho Fernández, anotou 73 puntos (6,6 de media), logrou un 33,3% de acerto no lanzamento de tres puntos, un 39,3% en tiros de dous e un 69% en tiros libres. Tamén conseguiu de media 1 rebote y 1,9 asistencias por encontro. Coa súa participación, o equipo rexistrou catro vitorias.

O Monbus Obradoiro quere expresar o agradecemento a Roko Badzim pola predisposición a sumarse a unha plantilla coa competición en marcha, o seu traballo, o seu esforzo e a súa implicación en busca de conseguir os obxectivos do club.

Roko Badzim finaliza a súa etapa no Monbus Obradoiro

Últimas novas

#SomosOBRA