ABÓNATE Á 2ª VOLTA!

Categoría: Abonos

Published: Xoves, 27 Xuño 2019 13:26

Cada tempada é un camiño moi longo para un equipo como o noso. E se conseguimos dar pasos cara adiante no noso particular ‘Camiño de Santiago’ é grazas a cada unha das persoas que nos apoia na Caldeira.

Chega a segunda volta da Liga Endesa e temos nove partidos na casa. Nove etapas nas que pelexaremos por sumar vitorias. E na casa, coa nosa afección, sempre é máis e mellor.

O traxecto do noso Camiño non será fácil. Cada partido será un esforzo extra, un exercicio de superación propio, de afrontar dificultades e adaptarse a diferentes circunstancias. Do mesmo xeito que un peregrino cando realiza o Camiño de Santiago.

Por iso necesitamos a todos os abonados posibles, para que nos axuden en cada pequeno tropezo, que nos dean a man para levantarnos, que celebren connosco cada fazaña e pequeno obxectivo, gozando cada un deles e mantendo a calma, aínda que ás veces nos sorprenda algunha tormenta.

Se algo nos demostra esta pandemia é que é máis importante ca nunca ir amodo e que non se pode ter présa cando algo non depende dun mesmo.

Temos un longo Camiño e percorrerémolo paso a paso, mellorando e traballando ata conseguir o noso obxectivo. E necesitámosvos a vós para conseguilo porque:

FAISE CAMIÑO AO ANDAR. CAMIÑA CON NÓS.

 

 

ABÓNATE Á 2ª VOLTA!

Queremos comezar cun agasallo para ti.

Se realizas o teu abono para a 2ª volta... Levas de agasallo asistir ao DERBI GALEGO!

Si, si. O que les. No teu abono estará incluído o noso último partido da primeira volta, no que recibimos ao Río Breogán, o luns 3 de xaneiro, ás 21:30 horas.

 

ZONAS PAVILLÓN

Comecemos escollendo en que zona do pavillón queres facer o teu abono! Como podes comprobar na seguinte imaxe, o pavillón está sectorizado. Busca o sector e o bloque desde o que che gustaría ver os partidos:

PREZOS

Xa tes decidida a túa localización? Imos axudarche mostrando os prezos en tarifa Xeral, Baby, Infantil, Xuvenil, Maiores de 65 ou Reducido, por cada zona.

 

 

 

Xa tes o teu prezo? Comezamos!

Aínda que sexas novo na familia obradoirista, hai descontos dos que te podes beneficiar.

Atento! Lembra que se fuches abonado nas tempadas anteriores á 2020/21 (e desde a 2011/12) e regresas, obterás un 5% de desconto.

 

*Este desconto non é aplicable sobre o Prezo Reducido.

 

Unha vez teñas o prezo resultante aplicados estes descontos, bota un ollo por se te podes beneficiar dalgún dos seguintes acumulables entre si.

 

FIDELIDADE

Aqueles que teñan cumpridas cinco tempadas (desde a 2011/2012) como abonado (sen ter que ser consecutivas), poderán beneficiarse dun 5% de desconto a maiores.

 

VÉS AO OBRA EN FAMILIA?

As familias comezan a contar a partir de dous membros. Este desconto aplicarase entre irm@ns, matrimonios, e pais/nais e fill@s. Os irm@ns/ fill@ s deben ser menores de 26 anos).

O primeiro membro da familia pagará o total do abono e o segundo membro gozará dun 10% de desconto. Cuantos máis membros teña a familia, maior desconto se aplicará. O terceiro membro recibirá un 20%, o cuarto un 30%, o quinto un 40%, o sexto un 50%... E así sucesivamente! Estes descontos aplicaranse segundo a idade (tarifa Baby, Infantil, Xuvenil, maiores de 65 ou Xeral) e o sector do pavillón no que se sitúe.

Este tipo de Abono non ten por que realizarse na mesma zona do pavillón. Cada membro da familia poderá escoller a zona que máis lle guste.

 

 

AÍNDA NON COÑECES A FUNDACIÓN HERACLES?

A Fundación Heracles ten como obxectivo a promoción e realización, sen ánimo de lucro, de actividades socio-deportivas para fomentar a práctica deportiva principalmente en Galicia e axudar así ao deporte galego de competición.

Se realizas unha doazón á Fundación Heracles, por cada 150€ de doazón obterás 100€ de desconto directo no teu abono e 50€ en entradas para a nova tempada.

Podes realizar a túa doazón online aquí: https://donacion.fundacionheracles.t2v.com/ ou de forma presencial nas nosas oficinas.

 

O TEU ABONO PODE SAÍRCHE A 0€ SE TRAES AMIGOS

Traer novos amigos á familia obradoirista pode facer que o teu abono che salga gratis! Se traes contigo a un amigo, ambos gozaredes dun 5% (non acumulable ao de abonado en tempadas anteriores). Ademais, ti tamén te beneficiarás deste 5% na próxima tempada.

No caso de que xa teñas o teu abono, beneficiaraste dun 10% de desconto ao renovar a próxima tempada. Se o teu amigo continúa renovando as próximas tempadas, ti continuarás gozando dun 5% adicional na tempada seguinte.

Beneficiaraste deste desconto por cada amigo que traias!

 

E, SABES QUE…

Podes financiar o teu abono de 3 a 6 meses SEN INTERESES? Sempre suxeito á aprobación por parte da entidade financeira.

Lembra que tamén podes domiciliar o pago do teu abono en 3 ou 6 meses e renovarémosche automaticamente o abono nas seguintes.

 

 

CONDICIÓNS DO ABONO 

1. A formalización e pago do abono dá dereito ao seu titular a ocupar o asento especificado no carné nos partidos para celebrarse en Multiusos Fontes do Sar, co Obradoiro como local, durante a liga Regular da ACB, independentemente do número de equipos que a compoñan.

2. O abono non inclúe a entrada a partidos de Playoff ou calquera outro fóra da Fase Regular da liga ACB que se dispute en Santiago co Obradoiro como local.

3. A organización non se fai responsable da perda ou subtracción do abono. O acceso dos abonados ao pavillón poderase facer tamén co carné en formato Passbook, que se pode descargar e abrir con calquera das aplicacións dispoñibles para iso, por exemplo, Apple Wallet para iOS e Passwallet para Android.

4. A duplicación non autorizada ou a revenda deste produto pode impedir o acceso ao partido, así como a retirada do abono.

5. Condicións de acceso ao recinto: segundo dispón a Lei 19/2007 do 11 de xullo contra a violencia, o racismo, a xenofobia e a intolerancia no deporte no seu artigo 6.

6. A organización poderá negar a entrada a aquelas persoas que non mostren a súa identificación e o abono ou cuxo abono presente signos de falsificación ou manipulación non autorizada.

7. Non se permite recompilar datos estatísticos en directo dos partidos comprendidos neste abono para o seu uso con fins comerciais ou distribuílos a terceiros sen autorización expresa da Asociación de Clubs de Baloncesto.

8. Reservado o dereito de admisión.

9. Aceptación do Regulamento Interno do recinto deportivo: “Pavillón Multiusos Fontes do Sar”.

10. Se a normativa vixente en cada momento limitase o aforo de asistencia a algún partido, os abonados poderán ser recolocados para o mesmo, procurándose que sexa nunha localidade da mesma categoría.

11. En caso de restricións de aforo terán preferencia de acceso os abonados respecto á venda de entradas en despacho de billetes.