RENOVA O TEU ABONO!

Se nos pedisen que definísemos á nosa afección cunha única palabra, teriámola moi clara: FAMILIA.

Por que? Moi fácil. Familia é aquela que:

 

... está nas boas e non tan boas. 

... sempre atopa a palabra exacta para o momento preciso.

... xamais se rende a pesar das adversidades. 

... valora cada pequeno logro nun mundo de xigantes.

... comparte un sentimento común.

 

Todos, absolutamente cada un de vós facedes grande a esta familia. Por iso, estamos desexando que, un ano máis, sigamos xuntos ao pé do canón.

No vídeo da campaña deste ano quixemos reflectir o que demostrades cada tempada: por que somos do Obra e que é iso que coñecemos como sentimento  obradoirista. E para facelo escollemos a uns abonados moi especiais: a José e os seus netos Xián e André.

 

 

Estás preparado para que sigamos facendo historia nesta 12º tempada consecutiva na acb?

 

 

PRAZO RENOVACIÓN

 

O primeiro que debes saber é que o teu asento estará reservado ata o 12 de setembro. Se non renovas o teu abono antes desa data, o asento quedará liberado.

Non esperes a última hora!

 

ZONAS PAVILLÓN

 

Seguinte pregunta importante: Queres manter o teu asento na renovación do teu abono ou estás a pensar en cambiar de localización? Como seguro que xa sabes, o pavillón está sectorizado. Buscar o sector e o bloque desde o que che gustaría ver os partidos:

 

PREZOS

 

Imos coñecer cal é o prezo do teu abono segundo a túa zona e a túa tarifa: Xeneral,  Baby (0-4 anos), Infantil (5-12 anos), Xuvenil (13-17 anos), Maiores de 65 ou Reducido.

Lembrámosche que os nenos de entre 0 e 4 anos non necesitan abono para poder acceder aos partidos, coa condición de que non ocupen asento. Para facilitar a comodidade dos nenos e as súas familias a tempada pasada creouse o Abono Baby a un prezo moi reducido, co que poderá dispoñer de asento e beneficiarse de todas as vantaxes de ser abonado.

 

Xa tes o teu prezo? Comezamos!

 

 - Só por ser abonado na tempada 2021/22, xa tes un 15% de desconto (Este desconto non é aplicable sobre o Prezo Reducido).

  

Sobre o prezo que che queda tras aplicar este desconto… Aínda hai máis!

 

- Se asistiches a 16 partidos da pasada tempada, dispós dun 5% de desconto.

- E se tes cumpridas cinco tempadas como abonado, desde a tempada 2011/2012 (non teñen por que ser consecutivas) … Entón suma un 5% máis pola túa FIDELIDADE!

  

Lembra que se realizas unha doazón á Fundación Heracles, por cada 150€ de doazón obterás 100€ de desconto directo no teu abono e 50€ en entradas para a nova tempada.

 

VÉS AO OBRA EN FAMILIA?

 

As familias comezan a contar a partir de dous membros. Este desconto aplicarase entre irm@ns, matrimonios, e pais/nais e fill@s. Os irm@ns/ fill@ s deben ser menores de 26 anos).

O segundo membro gozará dun 10% de desconto. Cuantos máis membros teña a familia, maior desconto se aplicará. O terceiro membro recibirá un 20%, o cuarto un 30%, o quinto un 40%, o sexto un 50%... Estes descontos aplicaranse segundo a idade (tarifa Baby, Infantil, Xuvenil, maiores de 65 ou Xeral) e o sector do pavillón no que se sitúe.

Este tipo de Abono non ten por que realizarse na mesma zona do pavillón. Cada membro da familia poderá escoller a zona que máis lle guste.

 

O TEU ABONO PODE SAÍRCHE A 0€ SE TRAES AMIGOS

 

Traer novos amigos á familia  obradoirista pode facer que o teu abono sálgache gratis!

Se antes de renovar traes contigo a un amigo, ambos gozaredes dun 5% (non acumulable ao de abonado en tempadas anteriores). Ademais, ti tamén te beneficiarás deste 5% na próxima tempada.

No caso de que xa teñas o teu abono renovado, beneficiaraste dun 10% de desconto ao renovar a próxima tempada.

Se o teu amigo continúa renovando as próximas tempadas, ti continuarás gozando dun 5% adicional na tempada seguinte.

Beneficiaraste deste desconto por cada amigo que traias!

  

E, SABES QUE…

 

Podes financiar o teu abono de 3 a 9 meses SEN INTERESES? Sempre suxeito á aprobación por parte da entidade financeira e pode implicar gastos de xestión/formalización.

Lembra que tamén podes domiciliar o pago do teu abono en 3 meses e renovarémosche automaticamente o abono nas seguintes.

 

FORMAS DE PAGO

 

Ademais da posibilidade de financiar o teu abono e de domiciliar o pago, tamén podes realizar o pago con tarxeta de crédito/débito (non American Express) ou en efectivo. 

 

COMO RENOVAR?

 

Dispós de dous métodos para renovar o teu abono:

 

- A través da nosa páxina web, accedendo co teu usuario e contrasinal (https://venta-obradoiro.t2v.com/es/autenticacion/identificar) .

 

- Nas nosas oficinas, de luns a venres, de 10:00 a 14:00 e de 17:00 a 20:00 horas. 

Se prefires evitar esperas, podes solicitar cita previa no seguinte enlace (https://cutt.ly/CKloVM3). 

 

O noso horario é de luns a venres, de 10:00 a 14:00 e de 17:00 a 20:00 horas.

 

RENOVA O TEU ABONO AQUÍ

 

CONDICIÓNS DO ABONO

 

  1. A formalización e pago do abono dá dereito ao seu titular a ocupar o asento especificado no carné nos partidos para celebrarse en Multiusos Fontes do Sar, co Obradoiro como local, durante a liga Regular da ACB, independentemente do número de equipos que a compoñan.

 

  1. O abono non inclúe a entrada a partidos de Playoff ou calquera outro fóra da Fase Regular da liga ACB que se dispute en Santiago co Obradoiro como local.

 

  1. A organización non se fai responsable da perda ou subtracción do abono. O acceso dos abonados ao pavillón poderase facer tamén co carné en formato Passbook, que se pode descargar e abrir con calquera das aplicacións dispoñibles para iso, por exemplo, Apple Wallet para iOS e Passwallet para Android.

 

  1. A duplicación non autorizada ou a revenda deste produto pode impedir o acceso ao partido, así como a retirada do abono.

 

  1. Condicións de acceso ao recinto: segundo dispón a Lei 19/2007 do 11 de xullo contra a violencia, o racismo, a xenofobia e a intolerancia no deporte no seu artigo 6.

 

  1. A organización poderá negar a entrada a aquelas persoas que non mostren a súa identificación e o abono ou cuxo abono presente signos de falsificación ou manipulación non autorizada.

 

  1. Non se permite recompilar datos estatísticos en directo dos partidos comprendidos neste abono para o seu uso con fins comerciais ou distribuílos a terceiros sen autorización expresa da Asociación de Clubs de Baloncesto.

 

  1. Reservado o dereito de admisión.

 

  1. Aceptación do Regulamento Interno do recinto deportivo: “Pavillón Multiusos Fontes do Sar”.

 

  1. Se a normativa vixente en cada momento limitase o aforo de asistencia a algún partido, os abonados poderán ser recolocados para o mesmo, procurándose que sexa nunha localidade da mesma categoría.

 

  1. En caso de restricións de aforo terán preferencia de acceso os abonados respecto á venda de entradas no despacho de billetes.

 

RENOVA O TEU ABONO AQUÍ

ARRIBA